قاموس المصطلحات الحمصية مع الشرح

السلام عليكم ... موضوع خفيف الظل أرجو أن ينال إعجابكم وهو عن المصطلحات العامية الحمصية
وأرجو من الجميع المشاركة إذا عنده شي يناسب لهذا الموضوع . مع العلم بأن جميع هذه الكلمات والمعاني من جمعي و مما أسعفتني به الذاكرة . ..

معليش = إختصار لـِ ما عليه شئ
لعندن = لعندهم
أديش = كام
تطلع لأدام = أنظر امامك
جيب = أحضر
خود = خذ
مدري شو = ما أدري ماذا
ما بعرف = لا أعلم
حط = ضع
أيم هاي من هون = أرفع هذه من هنا
البابوجي = الشحاطة التركي
الصرماي = الحذاء بالتركي
شحاطة = حذاء مفتوح يستعمل بالبيت غالباً
جرابات = كلسات
ضمام = فانيله داخلية وجمعها ضمامات
عم يتناوق = يسترق النظر
الخراطة = التنورة النسائية
سيسباني = لون من الألوان ما بعرف شو هاللون
درخيش = ثقب
منخار = انف
لسَعتوا = مازال
كبكوبة صوف = لفة صوف
شلضومي = كلمة تركيه تدل ع المرا اللي بتحكي كتير
طراقة = وحدة بتحكي بالقفا وتقال للمرا اللي ما بتقعد ببيتا
فلتاني = وحدة خارجه عن العادات
بيت المي = الحمام
الششمي = الحمام ( تركية )
الآدب = بيت المي
الدهليز = بالبيوت القديمة المرر من الباب الى فناء أرض الدار
العلييي = مكان عالي بالبيت القديم يستخدم للتخزين
شلون = كيف ؟
بَعِد = ابعد قليلاً
جيب = أحضر
الطواطي = متل الكنبة بس كبيرة ومالها أيدين
اليوك = خزانة بالحيط مرتفعه عن الأرض
سكمله = طربيزة = تبسي = طاولة صغيرة
ماظوط = مازوت = زيت الديزل
سداجة = سجادة
تلقح = تسطح
تسطح = استلقى
زابوق = شارع فرعي قديم لاتمر فيه السيارات لصغره
طص = شوف
مصطهج = مبسوط جداً
باظ = باص
كماجي = رغيف خبز
عم يفنكر / يفنجر = عم يتمتع بالمال وعم يصرف على كيفه
مفنجر عيونه = فاتح عيونه ع الآخر
زنجيل / زنكيل = تقال للشخص الثري اللذي يملك المال
عم يكحف = عم يمشي وتقال للمسافات البعيدة
إنمرء / إنجلأ = تقال في حال بلش يصير المزح جد- تقريباً -
خرستاني = خزانة صغيرة بالمطبخ
حسبت / خسبت = أعتقدت
مابغضر = لا أستطيع
تزهرم = دعوة للأكل أو الشرب ولكن بلؤم
الطرزينا = مقدمة القطار القاطرة الأولى
ينباع بالعزا = مسبه
تنفضح بخان وحمام = مسبه
يبعتلك داء = مسبه
تضرب = مسبه
ع الأصلي = كلمة تدل على جودة الشيئ
ع الصاجي = ( هاي إسألوا عنها اليزابيت )
طنط = تقال للشباب اللي ع الموضه وما الى ذلك
مبلط هون = يعني قعد وبطل يقوم
لطاش = الضوء العالي بالسيارة
غماز = أشارات الإنعطاف بالسيارات
مزعوج / مجعوز = زعلان
نشتري = حرامي
داخوني = مدخنه
عم يحكيلو حكاي = عم يطبقه لينصب عليه او أي شيئ آخر
هلكتنا = استياء من شخص تخطى حدود الطلب
الجوال = موبايل / الهاتف المحترك
عللمتلو = missed call
صندويشي = سندويش
صندويشي = قطعة ملابس صوفية ( غالباً ) بدون أكمام
مرطبان = عبوة زجاجية صغيرة
أطرميز = قطرميز أو ما يحفظ به المونه ( زيتون – مكدوس .... الخ )
فرد بخش = آلة الثقب الكهربائية
جاكوش = مطرقة
بسمار = مسمار
زلحفي = سلحفاة
شرائه = المروحة اللي بالمطبخ تسحب بخار الأكل
بسين = قط / هر
ساقوط = قفل الباب ( بالبيوت القديمة )
موريني = قطعه خشبية تستعمل بالبناء
معقود / مربى = أي شيئ من المربيات التي تصنع بالبيت ( برتقال فريز .. الخ )
سبانيول = نوع من أقفال الشبابيك بيدور 180 درجه
طفاي = صحن سيكارة
جنتاي / شنته = حقيبة
جورة = حفرة
طاقة = فتحه بالجدار
تويتات = نوع من المعجنات تصنع بالعيد
بلغجي = أكلة
مكمور = أكلة
آظان / قاظان = يكون من النحاس شكله مخروطي يوضع بالحمام لتسخين المياه
شمينتو = اسمنت
نحاتي = رمل
مطنجر = واحد قاعد مزعوج وما عم يحكي شوبده
حردان = زعلان
ستره = جاكيت
كفكير / كبجي = نوع من الملاعق الكبيرة تستخدم مع الأواني الكبيرة في الولائم
ضيعانو = كلمة للتأسف مثلاً : يا خسارة
مطعوج = مائل فيه أعوجاج
يسطئيات = كلمة قديمة تقال الفرشات التي توضع في غرفة الجلوس أو العيشة
طنِش = تجاهل
مجعلك = غير مكوي / غير مرتب
دايقا خلاقو = متدايق
مهشي = إختصار لـِ من هذا الشيئ وتقال إذا عرف سبب شيئ ما
مأشي = مكنسة

حاجتكن هدول ..

مشكوووووووووووووووووووووووووووووووووووووووووووور
مشاركة كتير حلوة منك
وكلمات احلى وظريفة وذات معنى
مشكوور كتير على المشاركة الحلوة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انضمو الى مجموعتنا البريدية الادارية على الرابط

http://groups.yahoo.com/group/almanara4allarab/join
انضمو الى مجموعة تبادل المراسلات
http://groups.yahoo.com/group/almanaraforallarab/join
لدعم منتدياتنا اضغط على الرابط
http://www.AWSurveys.com/HomeMain.cfm?RefID=almanara_group
وسجل فيه