... LoOking & FeEling BeSt ...

مرحبا صبايا
كل وحده منا تحب تحس وتكون بافضل حال وتحرص على هالشي باكثر من طريقه عشان توصل للي تبيه وتظهر باحلى صوره شكلا ومضمونا هالموضوع دعوه حتى تكوني الافضل والاجمل بطرق بسيطه وسهله

وعشان تكوني باحسن حال لابد من خطوات تتبعينها وراح نبدا سوا خطوه خطوه

اهتمي بمظهرك

- اهتمي بنظافتك بالاستحمام على الاقل مره يوميا واستخدام صابون مرطب للجسم

-اهتمي بنظافة اسنانك: فرشيها من 2-3 مرات يوميا بمعجون مناسب لك واستخدمي الخيط ومضمضة الفم وعالجي اي تسوس ممكن يشوه جمالها ويتعبك احرصي على رائحة انفاسك

-اهتمي ببشرتك: استخدمي المستحضرات اللي تناسب نوعها واستمري عليها اقل شي شهر مو من مره او مرتين وتقولي ماجابت فايده وتدوري غيرها لازم تعطي نفسك وقت حتى تبين نتايجها وافضل طريقه لبشره رائعه هي بنظام اكل صحي يحتوي ع الفواكه والخضروات و8 اكواب مويه + 9 ساعات نوم في الليل وركزوا على نوم الليل لانه هو اهم نقطه مهما نمتي في النهار ماراح يبين لانك بتكوني مرهقه وفي خلل في نظام الجسم الطبيعي ولاتنسي ترطبين شفايفك باستمرار

-استخدمي المكياج الافضل والمناسب لك وخليه بسيط وناعم يجملك مو يغيرك ولاتستعجلي في مكياجك وتلخبطيه خذي وقتك ولازم تكون بشرتك قبله نظيفه ومرطبه ولازم تنتبهي لحواجبك وتكون مرتبه ومرسومه بشكل حلو لانه هي اطار لوجهك

-احرصي تكون اظافرك نظيفه ومرتبه وصحيه .. سوي مانيكور مره كل شهر
نظفي اظافرك ونقعيها في مويه دافيه ولمعيها ورطبيها واحرصي على ترطيب يدينك

اهتمي بشعرك

-اغسلي شعرك يوميا لو احتاج ورطبيه .. قصي اطرافه بانتظام كل 3-8 اسابيع ولاتستخدمي ربطات بلاستيك
-لاتستخدمي حراره قويه للاستشوار وحطي قبله سيروم واقي
-اذا بتصبغين شعرك اختاري لون مناسب لك واحرصي تهتمين فيه بعد الصبغه
-خلي ريحة شعرك دايما حلوه ومميزه باستخدام شامبو وبلسم ريحتهم حلوه وتبخير الشعر بعد غسله ( بعد الشامبو اشطفي شعرك بعصير ليمون قبل البلسم) وحطي قطرات من عطرك المفضل على شعرك

اهتمي بجسمك وملابسك

اهتمي بجسمك وشكله المناسب
- كلي اذا جعتي ووقفي اذا شبعتي على طول ماله داعي تكملين اكل بس عشان ياحرام الصحن باقي فيه ولازم تاكلينه لاينكب مو لازم ينكب عطيه احد ياكله
- كلي الاكل الصحي والمفيد مو لازم تاكلين اكل صحي ماتحبينه اختاري منه الاشياء اللي تحبينها ومفيده لك .. اذا محتاجه فيتامينز خذي حبه قبل الوجبه
- اهم قاعده : تاكلي فطور صحي وكثير ومشبع لك
- امشي دايم ومارسي الرياضه اللي تحبينها اختاري رياضه سهله وممتعه لك عشان تقدرين تستمرين فيها

- اشتري ملابس تناسبك والوانها جديده وجددي ستايلك وركبي قطع مع بعض حتى تطلعين بشكل مميز ويحسسك انك يونيك ومختلفه بجمال واناقه
- امشي وراسك مرفوعه واكتافك راجعه للخلف وشدي نفسك
- استخدمي عطر يخليك تحسين بالروعه والتميز وحطي شوي مو تكثرين الزياده اخت النقصان واستخدمي شامبو وكريم ريحتهم حلوه وتعبر عنك ولاتنسي حطي من عطرك على شعرك

وفي الاخير ..
- كوني لطيفه مع الجميع..
- ابتسمي دايما مو معناته تفقين الخشه كانك هبلا لا ابتسمي ابتسامه مريحه ولاتنسين تبسمك في وجه اخيك صدقه .. ابتسمي حتى لو كنتي لحالك سبحان الله يتحسن المزاج وتروقين
-خذي وقتك وعطي كل خطوه وقتها ..
- ابعدي عن الاحباط والحرمان والكسل .. خلي عندك همه ورغبه بالافضل دايما
- ابعدي عن الغيره وثقي بنفسك ..
والاهم دايما تذكري ان جمالك الخارجي منبعه جمال روحك الوجوه هي مرايه للقلوب وانعكاس لها

الف شكر على المقال الرائع
يا نجلاء
بس كمان نحنا الشباب لازم نكون بافضل حال شوو الوصفات المناسبة برايك
Laughing

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انضمو الى مجموعتنا البريدية الادارية على الرابط

http://groups.yahoo.com/group/almanara4allarab/join
انضمو الى مجموعة تبادل المراسلات
http://groups.yahoo.com/group/almanaraforallarab/join
لدعم منتدياتنا اضغط على الرابط
http://www.AWSurveys.com/HomeMain.cfm?RefID=almanara_group
وسجل فيه

اشكرك على مرورك

واوعدك انزل مواضيع خاصة فيكم الشباب باقرب وقت
بس اهم شئ ابي اشوف تفاعلكم معها