الأمثال الشعبية الحمصية - دعوه للمشاركة

[color=#003366]

السلام عليكم .. من منطلق المحافظة على التراث الحمصي الأصيل ... أتيتكم اليوم بموضوع جديد قديم ألا وهو الأمثال الشعبية الحمصية ... أنا بجمع بالأمثال من زمان ومع ذلك ينقصني الكثير .. فكل واحد من الأخوة الأعضاء حابب يشارك يشوف شو عنده ويتفضل ... بس يا ريت نراعي في وضع المشاركات الترقيم ... يعيني أنا مثلاً رح بلش بمجموعه مرقمة بدأ من الواحد وكل شخص بيحب يضيف يتابع الترقيم من الرقم اللي وقفت عنده وهكذا ...

1. في الشتا تقل فراشك وخفف غطاك
2. وفي الصيفتقل غطاك وخفف فراشك
3. اتغدى واتمدىواتعشى واتمشى
4. كول الحلوواشرب عليه وكول الحامض واصبر عليه
5. الطفل ان بكى يا من جوع يا موجوع
6. بده منالدواق رطلين سبعه واق
7. الأربعينية يا شمس تحرق يامطر تغرق
8. وجع رجليك ولا توجع راسك
9. ان كان عليك الفين لا تغسليوم الاثنين
10. خود صوفك وخروفك وعيني ماتشوفك
11 . ضيف المودة ما بيروح ليهري اللحاف والمخده
12 . كول الزيت وإنطاح الحيط
13 . الحكاية ما حكاية رماني هاي قلوب ملياني
14 . التوم قتال السموم
15 . إن وجع راسك أكرمه وإن وجعك بطنك أحرمه
16 . نظف بيتك ما بتعرف مين بيدوسو ونضف خدك ما بتعرف مين بيبوسو
17 . كول مع الكافر ولا تاكل مع طويل الأظافر
18 . صار للدباني دكاني وصارت تسكر بعد الظهر
19 . تاجرنا بالأكفان بطلت الناس تموت
20 . الولد اللي ما من ضهرك كل ما جن إفرحله
21 . متل بقر التركمان جعجعه وقلة حليب
22 . متل سيران الضنى غبرة وقلة واجب
23 . كوم فيران ولا هالجيران
24 . الكلب وين ما قعد بينجس
25 . دارت الدورة عليكي يا عورة
26 . كشر عن نابك كل الناس بتهابك
27 . الحجر اللي ما بيعجبك بيفجك
28 . ما بيلمك إلا إبن عمك
29 . الزيت ما بيطلع إلا بالمعصرة
30 . بيسوا السوايا وبيتخبوا بالزوايا
31 . الكلمة الحلوة طالعه والكلمة البشعه طالعه
32 . إن كرهت جارك غير باب دارك
33 . مافي حمار بيموت وبياخذ جلاله معاه
34 . يلي ببيعك بالفول بيعه بالقشور
35 . لا تطول الحبل لأبنك بيشنق حاله
36 . يا جاي بلا عزيمة يا قليل القيمة
37 . راحت الخيل تنحدى ( تحط حدوة ) مدت لخنفسة رجليها
38 . ادن من طين وادن من عجين
39 . خدوا فالكن من عيالكن
40 . طلع الحشيش على لساني
41 . طلعنا من تحت الدلف لتحت لمزراب
42 . رضينا بالين وبالبين ما رضي فينا
43 . مشتراة العبد ولا تربايتو
44 . صام صام وفطر على بصلة
45 . [color=black]النا من الحزمة عود والباقي تنتعه القرود
46 . أبو العباية مامنريدو وابو الجوخه ما بيجينا
47 . قولي بيضا وأسكتي وقولي سمرا ووصفي
48 . الرجال بالبيت رحمة ولو كان فحه
49 . ايش عرف الحمير بأكل الزنجبيل
50 . ست وجاريتين على قلي بيضتين
51 . الشهر اللي ما إلك فيه لا تعد أيامه
52 . ناس بتاكل جاج وناس بتوقع بالسياج
53 . ان طاب لك زادك كلو كله بيجيك يوم ما تقدر تشمه
54 . متلك ماجابو لو شابو , ولو برطلو الدايات بريالات
55 . واحد حامل دقنو التي تعبان فيها ... ليش ؟
56 . توب العيرة ما بيدفي .. وإن دفّا ما بيدوم
57 . كسرنا الدف وبطلنا الغني
58 . يا مد وإفتخر يا سد وإنستر
[color:d8d2=black:d8d2]59 . أأرع ودأنه طويله ... شي يغطي شي
[color:d8d2=black:d8d2]60 . بيئتل الأتيل وبيمشي بجنازته

........... يتبع

ملاحظة : لا قولنا حل لضعف موضوع الأوبشن بالمشاركات .. يعني صار ساعه بكتب بجي بيقلي مشاركتك صارت 17450 حرف .. نزلن للعشر تالاف ... كمان قاعدين تعدوا علينا الحروف ...

مشكوووووووووووور جدا جدا
فعلا الامثال رائعة وجميلة

اما اخي العزيز موضوع المشاركات في كل نسخ المنتديات هاي المشكلة نفسها
في تكمل موضوعك بالردود
والرد كمان فيك تحط فيه نفس عدد الاحرف في المشاركة
وشكرا الك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انضمو الى مجموعتنا البريدية الادارية على الرابط

http://groups.yahoo.com/group/almanara4allarab/join
انضمو الى مجموعة تبادل المراسلات
http://groups.yahoo.com/group/almanaraforallarab/join
لدعم منتدياتنا اضغط على الرابط
http://www.AWSurveys.com/HomeMain.cfm?RefID=almanara_group
وسجل فيه